Սան Պաուլոյում նշվել է Հայաստանի Հանրապետության անկախության 35-րդ տարեդարձը

21 սեպտեմբերի, 2026

Սեպտեմբերի 21-ին Բրազիլի խոշորագույն քաղաք Սան Պաուլոյում տեղի է ունեցել Հայաստանի Հանրապետության անկախության 35-րդ տարեդարձին նվիրված հանդիսավոր արարողություն։

Միջոցառմանը մասնակցել են Բրազիլում ՀՀ դեսպան Արմեն Եգանյանը, Սան Պաուլոյում ՀՀ պատվավոր հյուպատոս Հիլդա Տիրուհի Բուրմայանը, Բրազիլի հայոց թեմի առաջնորդ Գերաշնորհ Տ. Նարեկ եպիսկոպոս Բերբերյանը, դաշնային և նահանգային պաշտոնյաներ, հայ համայնքի ներկայացուցիչներ և հյուրեր։

Իր ելույթում դեսպան Եգանյանն անդրադարձել է Հայաստանի անկախության նշանակությանը և անկախ պետականության 35-ամյա ուղուն։ Խոսելով Հայաստան–Բրազիլ հարաբերությունների մասին՝ նա ընդգծել է երկու երկրների միջև քաղաքական երկխոսության բարձր մակարդակը, վերջին տարիներին առևտրատնտեսական ու մշակութային կապերի ընդլայնումը և փոխադարձ հետաքրքրություն ներկայացնող ոլորտներում համագործակցության զարգացման կարևորությունը։

Դեսպանը նաև շնորհակալություն է հայտնել Բրազիլի հայ համայնքին՝ երկկողմ բարեկամական կապերի ամրապնդման գործում ունեցած ներդրման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր