«Monsieur Aznavour» ֆիլմի հատուկ ցուցադրություն

18 մայիսի, 2026

Ֆրանկոֆոն մշակույթի միջոցառումների շրջանակներում և ի պատիվ Հայաստան-Ֆրանսիա երկարամյա բարեկամության ու սերտ մշակութային կապերի Բրազիլում Հայաստանի Հանրապետության և Ֆրանսիայի Հանրապետության դեսպանությունները համատեղ կազմակերպեցին «Monsieur Aznavour» ֆիլմի հատուկ ցուցադրություն։

Միջոցառմանը ներկա էին Բրազիլի բարձրաստիճան պաշտոնյաներ, դիվանագիտական կորպուսի ներկայացուցիչներ, մշակութային և ակադեմիական շրջանակների ներկայացուցիչներ, ինչպես նաև Հայաստանի և Ֆրանսիայի բարեկամներ՝ տոնելու ֆրանկոֆոն աշխարհի ընդհանուր արժեքները և երկու երկրների միջև խորը պատմական կապերը։

Ցուցադրությունից առաջ Բրազիլում Հայաստանի և Ֆրանսիայի դեսպանները հանդես եկան բացման խոսքով։ Բրազիլում ՀՀ դեսպան Արմեն Եգանյանը իր ելույթում, մասնավորապես, նշեց. «Այսօրվա միջոցառումը նաև Հայաստանի և Ֆրանսիայի միջև խորը բարեկամության տոնն է, որը խարսխված է համատեղ պատմության, մշակույթի և արժեքների վրա»։

Ֆիլմը նվիրված է լեգենդար ֆրանսահայ երգահան, դերասան և մարդասեր Շառլ Ազնավուրին, որի արվեստի ժառանգությունը անջնջելի հետք է թողել համաշխարհային մշակույթում։ Նա համարվում է բոլոր ժամանակների մեծագույն շանսոն կատարողներից մեկը, ինչպես նաև խորապես նվիրված էր մարդասիրական նպատակներին և ողջ կյանքի ընթացքում ակտիվորեն աջակցում էր Հայաստանին և հայ ժողովրդին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր