ՀՀ դեսպան Արմեն Եգանյանի դասախոսությունը Բրազիլիայի համալսարանի միջազգային հարաբերությունների ֆակուլտետում

04 դեկտեմբերի, 2025

Բրազիլի Դաշնային Հանրապետությունում ՀՀ դեսպան Արմեն Եգանյանը ԲԴՀ խոշորագույն համալսարաններից մեկում՝ Բրազիլիայի համալսարանի (Universidade de Brasília, UnB) միջազգային հարաբերությունների ֆակուլտետում հանդես է եկել դասախոսությամբ, որի ընթացքում ներկայացրել է Հայաստանի պատմությունն ու մշակույթը, Հայաստանում իրականացվող տնտեսական, ժողովրդավարական և ինստիտուցիոնալ բարեփոխումները, ինչպես նաև ՀՀ շուրջ առկա անվտանգային իրավիճակը։

Դեսպան Եգանյանը անդրադարձ է կատարել նաև ՀՀ-ում նորարարական ոլորտների աճին, ինչպես նաև հայկական մշակույթի առանձնահատկություններին։ Կարևորվել է 2025 թվականի օգոստոսի 8-ին ԱՄՆ նախագահի վկայությամբ Հայաստանի և Ադրբեջանի միջև նախաստորագրված համաձայնագիրը, որն ուղղված է Հարավային Կովկասում երկարատև խաղաղության հաստատմանը։

Ներկա ուսանողներին և փորձագետներին է ներկայացվել ՀՀ Կառավարության կողմից մշակված «Խաղաղության խաչմերուկ» նախագիծը։

Դասախոսության ավարտին դեսպանը պատասխանել է ներկաներին հետաքրքող հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր