ՀՀ դեսպանությունում նշվել է Հայաստանի Հանրապետության անկախության 35-րդ տարեդարձը

29 հոկտեմբերի, 2026

Հոկտեմբերի 29-ին Բրազիլիայում Հայաստանի Հանրապետության դեսպանությունում կազմակերպվել է տոնական ճաշկերույթ՝ նվիրված Հայաստանի Հանրապետության անկախության 35-րդ տարեդարձին։

Բացման խոսքով հանդես է եկել Բրազիլում ՀՀ դեսպան Արմեն Եգանյանը՝ անդրադառնալով անկախության վերականգնումից ի վեր Հայաստանի անցած ուղուն, պետականության ամրապնդման գործընթացին և արձանագրված ձեռքբերումներին։

Դեսպանն իր խոսքում կարևորել է նաև խաղաղության և տարածաշրջանային համագործակցության նշանակությունը Հարավային Կովկասի ժողովուրդների բարեկեցության ու զարգացման համար։ Դեսպան Եգանյանն շեշտել է Հայաստանի և Բրազիլի միջև բարեկամական հարաբերությունների կարևորությունը՝ ընդգծելով քաղաքական երկխոսության շարունակական զարգացումը և տարբեր ոլորտներում փոխշահավետ համագործակցության ընդլայնումը։

Միջոցառմանը խոսքով հանդես է եկել նաև Բրազիլի արտաքին գործերի նախարարության Եվրոպայի և Հյուսիսային Ամերիկայի հարցերով քարտուղար, դեսպան Ռոբերտո Աբդալլան։ Վերջինս անդրադարձել է հայ-բրազիլական հարաբերություններին՝ ընդգծելով երկկողմ կապերի ամրապնդման և համագործակցության զարգացման հեռանկարները։

Ճաշկերույթին ներկա են եղել Բրազիլում հավատարմագրված դիվանագիտական կորպուսի անդամներ, մայրաքաղաքի իշխանությունների, Բրազիլի արտաքին գործերի նախարարության և այլ պետական գերատեսչությունների պաշտոնյաներ, մամուլի ներկայացուցիչներ և այլ հյուրեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր