Դեսպան Արմեն Եգանյանի աշխատանքային այցը Գրամադու

26 նոյեմբերի, 2025

Բրազիլում ՀՀ դեսպան Արմեն Եգանյանը աշխատանքային այցով այցելել է Բրազիլի Ռիու Գրանդե դու Սուլ նահանգի Գրամադու քաղաք՝ որը հայտնի է իր քրիստոնեական ավանդույթներով, Սուրբ Ծննդյան տոնակատարություններով և հանդիսանում է խոշոր զբոսաշրջային քաղաք (տարեկան մոտ 8 մլն մարդ)։

Այցի ընթացքում դեսպանը հանդիպել է Գրամադու քաղաքի մունիցիպալ ղեկավարության հետ։ Քննարկվել են երկկողմ հետաքրքրություն ներկայացնող հարցեր՝ տնտեսական, զբոսաշրջության և մշակութային ոլորտներում։ Անդրադարձ է կատարվել նաև ՀՀ և Բրազիլի տեղական ինքնակառավարման մարմինների միջև կապերի զարգացմանն առնչվող հարցերի։

Դեսպանը կարևորել է Գրամադուի հետ հարաբերությունների ամրապնդումը՝ ընդգծելով քաղաքի տնտեսական ակտիվությունը և զբոսաշրջային ներուժը։ Բրազիլական կողմն իր հերթին վերահաստատել է պատրաստակամությունը՝ խորացնելու կապերը և համատեղ ուսումնասիրելու նոր նախաձեռնությունների իրականացման հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր