Դեսպան Եգանյանի աշխատանքային այցը Սան Պաուլո

23 սեպտեմբերի, 2023

Սեպտեմբերի 20-23-ը տեղի ունեցավ Բրազիլիայում Հայաստանի դեսպան Արմեն Եգանյանի երրորդ աշխատանքային այցը Բրազիլիայի Սան Պաուլո քաղաք, որտեղ հիմնականում կենտրոնացած է Բրազիլիայի հայ համայնքը:

Այցի ընթացքում դեսպան Ա.Եգանյանը բազմաթիվ հանդիպումներ ունեցավ բրազիլահայ համայնքի կառույցների ղեկավարների հետ, դասախոսությամբ հանդես եկավ Բրազիլիայի կապիտալի շուկայի ինստիտուտում (IBMEC – Instituto Brasileiro de Mercado de Capitais), ինչպես նաև Հայ առաքելական եկեղեցու Բրազիլիայի թեմի հովանավորության ներքո գործող Ազգային Դուրյան վարժարանում հանդիպում ունեցավ վարժարանի աշակերտների հետ:

Հանդիպումների ընթացքում հատուկ կարևորություն տրվեց Հայաստանի անկախության արժեքներին, ինչպես նաև անդրադարձ կատարվեց Լեռնային Ղարաբաղում տիրող իրավիճակին:

Դեսպանը նաև հարցազրույց է տվել SBT News հեռուստահաղորդմանը՝ Ադրբեջանի հարձակումից հետո Լեռնային Ղարաբաղում տիրող իրավիճակի վերաբերյալ:

Սեպտեմբերի 21-ին դեսպան Ա.Եգանյանը մասնակցեց Սան Պաուլոյում ՀՀ պատվավոր հյուպատոսությունում կազմակերպված, Հայաստանի Անկախության տոնին նվիրված միջոցառմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր