Դեսպան Եղիազարյանը հանդիպել է Բրազիլիայի համագործակցության գործակալության տնօրեն, նախարար Մարկո Ֆարանիի հետ

22 մայ, 2025

Օգոստոսի 10-ին Բրազիլիայում ՀՀ դեսպան Աշոտ Եղիազարյանը հանդիպել է Բրազիլիայի համագործակցության գործակալության տնօրեն, նախարար Մարկո Ֆարանիի հետ:

Ֆարանին նշել է, որ գործակալությունը հանդիսանում է Բրազիլիայի ԱԳՆ-ին կից գործող կարևոր մարմին, որը կազմակերպում, ֆինանսավորում և իրականացնում է տեխնիկական համագործակցությունը օտարերկրյա բոլոր երկրների հետ:

Գոհունակություն հայտնելով, որ Հայաստանը մուտք է գործում գործակալության ծրագրերի մեջ, նա նշել է, որ Բրազիլիան մինչև տարեվերջ կընդունի ՀՀ գյուղնախարարության չորս մասնագետների` վերապատրաստելու գյուղ և անասնապահական մթերքների, այգեգործության և գինու արտադրության ոլորտներում, Հայաստան կուղարկի Բրազիլիայի հրշեջ ծառայության պատվիրակությանը` նրա գլխավոր հրամանատարի ղեկավարությամբ:

Ֆարանին պատրաստակամություն է հայտնել առաջիկայում ընդունել ՀՀ գյուղնախարարության բարձրաստիճան պատվիրակությանը, պարբերաբար քննարկել և ընթացք տալ համագործակցության այլ ծրագրերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր