Սան Պաուլո քաղաքում տեղի է ունեցել Հայաստանի Հանրապետության անկախության 34-րդ տարեդարձին նվիրված միջոցառում

22 սեպտեմբերի, 2025

Սեպտեմբերի 22-ին Բրազիլի Սան Պաուլո քաղաքում տեղի է ունեցել Հայաստանի Հանրապետության անկախության 34-րդ տարեդարձին նվիրված միջոցառում։ Միջոցառմանը մասնակցել են Բրազիլում ՀՀ դեսպան Արմեն Եգանյանը, Սան Պաուլոյում ՀՀ պատվավոր հյուպատոս Հիլդա Բուրմայանը, Հայ առաքելական եկեղեցու Բրազիլի թեմի առաջնորդ Նարեկ Բերբերյանը, Սան Պաուլոյի քաղաքապետարանի պաշտոնյաներ, բրազիլահայ համայնքի ներկայացուցիչներ, մշակութային գործիչներ և հրավիրված հյուրեր։

Տոնական միջոցառման շրջանակներում Սան Պաուլոյի քաղաքապետարանում բացվել է Դավիթ Հակոբյանի հեղինակած Հայաստանին նվիրված երկշաբաթյա ցուցահանդես, որտեղ ներկայացված են Հայաստանի պատմությանը, գիտությանը, մշակույթին և ժողովրդական ավանդույթներին առնչվող աշխատանքներ։ Ցուցահանդեսը հնարավորություն է ընձեռում այցելուներին ավելի մոտիկից ծանոթանալու Հայաստանի հարուստ պատմամշակութային ժառանգությանը։

Միջոցառմանը դեսպան Արմեն Եգանյանը հանդես է եկել ելույթով՝ ընդգծելով Հայաստանի անկախության պատմական նշանակությունը, ժողովրդավարական արժեքների հանդեպ ժողովրդի հավատարմությունը, Հայաստանի և Բրազիլի միջև զարգացող բարեկամական ու համագործակցային կապերի կարևորությունը, ինչպես նաև առանձնահատուկ կերպով գնահատելով Սան Պաուլո քաղաքի բազմամշակութային միջավայրը, որտեղ հայ համայնքը շարունակում է կարևոր դեր ունենալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր