Տեղի է ունեցել «Ցեղասպանությանը, մարդկության դեմ հանցագործություններին և մարդու իրավունքներին նվիրված առաջին միջազգային կոնգրեսը»

28 ապրիլի, 2025

Ապրիլի 28-29 Սան Պաուլո քաղաքում Բրազիլում ՀՀ դեսպանության աջակցությամբ, ինչպես նաև «UGAB» Բրազիլի (ՀԲԸՄ) և Սան Պաուլոյի Կաթոլիկ համալսարանի կազմակերպմամբ տեղի է ունեցել «Ցեղասպանությանը, մարդկության դեմ հանցագործություններին և մարդու իրավունքներին նվիրված առաջին միջազգային կոնգրեսը»: Երկօրյա կոնֆերանսը նվիրված էր Հայոց ցեղասպանության 110-րդ տարելիցին և անցկացվեց միջազգային ներգրավվածությամբ։

Կոնգրեսին մասնակցել են հեղինակավոր մասնագետներ, իրավապաշտպաններ և հետազոտողներ Բրազիլից, Արգենտինայից, Ամերիկայի Միացյալ Նահանգներից և այլ երկրներից։ Միջոցառման ընթացքում քննարկվել են անցյալում և ներկայում տեղի ունեցող մարդու իրավունքների խախտումները, ցեղասպանության կանխարգելման մեխանիզմները, ինչպես նաև միջազգային հանրության դերը նման հանցագործությունների դեմ պայքարում։

Միջազգային կոնգրեսին բացման խոսքով հանդես է եկել Բրազիլում ՀՀ դեսպան Արմեն Եգանյանը, ինչպես նաև Հյուսիսային Արիզոնայի համալսարանի քրեագիտության և քրեական արդարադատության ամբիոնի պրոֆեսոր Ալեքսանդր Ալվարեսը։

Դեսպանն իր խոսքում անդրադարձ է կատարել Օսմանյան կայսրության գոյության վերջին տարիներ հայ ժողովրդի նկատմամբ իրականացված ոճրագործություններին՝ նշելով, որ Հայաստանի Հանրապետությունը շարունակում է ակտիվորեն մասնակցել նման հանցագործությունների բացահայտմանն ու վաղ կանխարգելմանը, ինչպես նաև ոճրագործությունների արագ արձագանքմանը, կանխարգելմանն ու վերացմանն ուղղված նախաձեռնություններին։

Ա. Եգանյանն ընդգծել է, որ ՀՀ-ն կարևորում է ցեղասպանությունների կանխարգելման հարցը և ակտիվորեն բարձրացնում է այդ հարցը ՄԱԿ-ի տարբեր ընթացակարգերի, այդ թվում՝ ՄԱԿ Համընդհանուր պարբերական դիտարկման (ՀՊԴ) շրջանակներում: Բացի այդ, Հայաստանը ՄԱԿ-ի շրջանակներում պարբերաբար նախաձեռնում է ցեղասպանությունների կանխարգելման բանաձևեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր