Բրազիլում ՀՀ դեսպան Արմեն Եգանյանը մասնակցել է «Գործարարության միջազգային ցուցահանդես»-ին (Feira Internacional de Negócios – FIN Brasil 2025)

13 մայիսի, 2025

Բրազիլում ՀՀ դեսպան Արմեն Եգանյանը մասնակցել է «Գործարարության միջազգային ցուցահանդես»-ին (Feira Internacional de Negócios – FIN Brasil 2025)։

Մայիսի 13-ին դեսպան Եգանյանը հանդես է եկել բացման խոսքով, այնուհետև՝ ելույթով։ Իր ելույթում դեսպանը կարևորել է Հայաստանի և Բրազիլի միջև տնտեսական հարաբերությունների զարգացումը՝ ընդգծելով Հայաստանում նպաստավոր բիզնես միջավայրը, բարձր տեխնոլոգիաների, զբոսաշրջության ոլորտներում համագործակցության հնարավորությունները։ Մանրամասն ներկայացվել է նաև օտարերկրյա ուղղակի ներդրումների առնչությամբ ՀՀ քաղաքականությունը՝ նշելով թափանցիկ և կայուն զարգացող ներդրումային միջավայր ստեղծելու ուղղությամբ արված քայլերը։

Ա. Եգանյանը ցուցահանդեսի մասնակիցներին է ներկայացրել նաև ՀՀ կառավարության կողմից մշակված «Խաղաղության խաչմերուկ» ծրագիրը։

Ցուցահանդեսի շրջանակներում տեղի են ունեցել աշխատանքային այցեր գործարար ընկերություններ, Բրազիլի առաջատար և խոշորագույն «Ֆիշեր» գործարան, Ինովացիոն կենտրոն, Սանտա Կատարինա նահանգի խոշորագույն «Univali» համալսարան, ինչպես նաև Սանտա Կատարինա նահանգի նավահանգիստ։

Այցի ընթացքում դեսպանը հանդիպումներ է ունեցել մի շարք ներդրումային խմբերի և գործարար միավորումների ներկայացուցիչների հետ՝ ներկայացնելով Հայաստանում ներդրումների համար առկա հնարավորություններն ու պետական աջակցման ծրագրերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր